منتديات الجدران (1) :تعريفها + اكبر خروف في الرياض !!
الكتابة على الجدران نوع من انواع التنفيس وابداء الراي عند المراهقين , وفي بعض الاحيان قد تكون للتخريب او السب واعتبرها بمجملها نوع من انواع التنفيس . البعض يشوفها انها تصرف غير حضاري وتشويه للمدينة , والبعض الآخر يشوفها انها مضحكة وترسم الابتسامة على على وجه القارئ .
لكن أنا اشوف شيء ثاني او نوع ثاني من الكتابات على الجدران , او يمكن انظر لها من منظور آخر الي هو انها منتديات جدارية مثلها مثل المنتديات الانترنتية وفي غالب الأحيان تكون افضل واشهر من المنتديات المتعارف عليها بمراحل , صحيح قد يكون المنتدى الجداري عبارة عن موضوع واحد ويتكون من ثلاث او اربع كلمات , لكن هذي الاربع كلمات هذي عن مقال من الف كلمة , وصحيح ان عدد الردود في المنتديات الجدارية قليل جدا ومايتجاوز رد او ردين
في الغالب لكنها عن الف رد ,وعدد القراءات في المنتديات الجدارية للموضوع الواحد ممكن يزيد عن عدد القراءات لجميع المواضيع لمنتدى فيه 20 الف عضو !! والسبب ان كل من مر من الطريق بيقرا المكتوب على الجدار , او ان صحة التسمية المنتدى الجداري :D بحاول من خلال هذي السلسلة (المنتديات الجدارية) اني اجمع الكتابات المضحكة الي يصورها فريق موقع احترام (Respect ) في مدينة الرياض او اي مدينة يكون الفريق متواجد فيها .
أكبر خروف بالرياض !! الصورة الي فوق هذي صورناها في طريق الأمير تركي الأول قبل تقاطع التحلية , والرجل (او الخروف ان صح التعبير ) ماقصر اعتذر لزوجته او صديقته او ايا كان (مابي احط بذمتي شيء ) , مع العلم ان الرجل الي اعتذر كاتب اول حرف من اسمه والظاهر انه مستحي يكتب اسمه , لكن ما استحى انه يكتب اسم الي معتذر لها . لكن الرد الي جاه من شخص غريب ماذكر اسمه او توقيعه , كان قاسي شوي :d اترككم مع الصورة افضل :)
الاراء في الموقع لا تعبر عن اية موضوع,,يعني لا ازعاج ولاهم يحزنون!!
