Picture

تفاهة الـ Fanboys الحلقة الأولى : Nissan Vs Toyota

Tue, 03/09/2010 - 18:27 — Ahmed

استغرب من بعض الشباب تعلقهم الشديد بامور غريبة جدا , نادي, شركة سيارة, شركة كمبيوتر , لكن الي يخليني استغرب واتعجب واحمد ربي على نعمة العقل من الفئة الي تنتقص من منافس الشركة اوالنادي الي تحبه او ايا يكن .

انت تحب شيء ومتعلق فيه بشكل جنوني ما اقدر اسويلك شيء الا اني ادعيلك بالهداية والعقل , بس انك تتعلق لدرجة ان اي شيء آخر لا شيء هنا المشكلة ومشكلة كبيرة برضوا .

Apple VS Microsoft

Intel VS AMD

Nissan VS Toyota

etc

وبعدين يعني , اذا كان مراهق في عمر 16 لل 20 مو مشكلة نمشيها له , لكن احصل ناس اعمارهم حول ال 30 ومتعصب لشركة معينة او نادي واذا كان عنده عيال مايخليهم يشجعون الا النادي الي هو يشجعه !!!

والشيء الغريب وش المكسب من الشيء هذا , انت مارح تاخذ ارباح بنهاية كل سنة , ولا انت مستفيد من وظيفة يقدمونها لك !! الواحد المفروض يفكر بعقله شوي انت تشجع نادي طيب المفروض انك تنبسط اذا فاز , واذا انهزم تبارك لمشجعين الفريق الثاني , لكن الي يحصل فعلا اننا ننسى ان مشجعين الفريق الثاني هو احتمال كبير يكون اخوك من لحمك ودمك, او اخوك في الاسلام او على اقل تقدير نظيرك بالانسانية .

الصورة هذي تدل على عدم احترام وتقبل الآخر نهائيا , ومن المفترض من طالب اكاديمي يدرس في اكبر جامعة في المملكة ان يكون على مستوى رفيع من الثقافة والعلم , لكن الواقع يقول غير كذا.

حقائق عن الشركتين Toyota & Nissan

شركة Toyota قيمتها السوقية اكبر بخمس مرات من القيمة السوقية ل Nissan

بمعنى آخر ان Toyota اكبر من Nissan بخمس مرات

يدير شركة نيسان كارلوس غصن ذو الاصول العربية , وتملك شركة Renault الفرنسية مايقارب ال 44% من شركة Nissan

باعت شركة Toyota في عام 2008 مايقارب ال 9 ملايين سيارة

وباعت Nissan مايقارب ال 3.5 مليون سيارة

اضافة تعليق

تسعيرات غريبة (2) : التميمي والهللات

Wed, 02/03/2010 - 15:39 — Ahmed

في العادة نشوف الهللات في الاسعار الصغيرة الي مابين الريال والـ 99 ريال , واذا كان اكثر من كذا يكتفون بالـ 9 الريال وخلاص .
لكن انك تشوف مبلغ حول ال 400 ريال وبالنهاية تلقى 25 هللة ولا 75 هللة هذا شيء عجيب وغريب , اخليكم مع الصورتين الي اخذتهم من التميمي